Braga, Portugal
Ciudá hestórica ya inmemorial portuguesa asitiada nel norte del país, capital del conceyu del mesmu nome. Cuenta con 181.819 habitantes, 800.000 na área metropolitana. Ye la tercer ciudá más poblada de Portugal , tres Lisboa y Porto . En 2012 foi la Capital Europea de la Mocedá. Los ríos Este y Cávado traviesen la ciudá.
Braga ye una ciudá de gran guapura y riqueza patrimonial, que combina la tradición y la innovación, la memoria y la mocedá, la creatividá y el caltenimientu del patrimoniu.
Con más de 2.000 años y una hestoria bien rica, tien unu de los montes sacros más antiguos de toda Europa: Bom Jesus . Tamién en Braga atópase la catedral más antigua de Portugal y la casa matriz de los benedictinos: El monesteriu de Tibães.
El legáu romanu ye otru de los factores curiosos de Braga, de cutiu nomada la «Roma portuguesa», frutu del so orixe na ciudá romana Bracara Augusta. Conocida poles sos numberoses y arrogantes cases del sieglu XVIII,xardinos, parques y zones d’ociu. La llarga hestoria de Braga ye visible en tola rellumanza de los sos monumentos y museos.
Fontes: cm-braga.pt y Wikipedia .