«Unhealthy» de Anne-Marie con Shania Twain
Unhealthy ye un cantar de la cantante británica Anne-Marie cola cantante canadiense Shania Twain. Foi llanzáu’l 18 de mayu de 2023 como’l cuartu senciellu del tercer álbum d’estudiu d’Anne-Marie, Unhealthy. El cantar foi escrita por Anne-Marie al pie de Connor McDonough, Riley McDonough y Castle.
N’una entrevista en Hits Radio, falando sobro la inspiración del cantar, Anne-Marie dixo que «por dalguna razón, dacuando méteseme daqué na cabeza y nun puedo sacalo, y con esti discu, entré nel estudiu y tolo que vía yera una imaxe de mi mesma comiendo una hamburguesa y tola grasona pingando pol mio cazu. Y como toles coses poco saludables que puedas imaxinar, ¡pasta, pizza, tou! surdió’l títulu Unhealthy». Como fan de Shania Twain, Anne-Marie propúnxo-y una collaboración. En marzu, los dos artistes grabaron el cantar en Londres.
El video musical del cantar, dirixíu por Olivia Rose, foi publicáu’l 30 de xunu de 2023. Foi grabáu en Nashville y en Kent. Nel podcast Table Manners de Jessie Ware y Lennie Ware, Anne-Marie faló sobro’l video musical: «Fuimos a Nashville esti día pa faer el video musical, pero ella fixo la so parte en Nashville y yo fixi la mio parte en Kent. Grabóse como una película vieya del oeste. Fui ellí pa grabar delles partes con ella, pero por cuenta de que, extrañamente, Nashville nun tien decoraos del oeste, namás tienen campos, pensé: Nun puedo faer tol video nun campu vistida de vaquera, nun tenía sentíu, asina qu’atopamos esos decoraos del antiguu oeste en Kent, de fechu ye una ciudá entera».
Fonte: Wikipedia .