Chaves, Portugal
Nes mañanes fresques, con un aire llimpio de golores matutinos que s’evaporen de la ñatura desbordante de les veres del Tâmega. En tardes prestoses y soleyeres, onde’l tiempu tien un cursu lentu y detiense pa esfrutar de tola guapura qu’emana d’esti valle de Chaves, onde les civilizaciones remotes, como los romanos, vivieron fazañes épiques ya inolvidables equí, espresaes nes sos pontes, caminos y termes.
Ye en Chaves onde vas querer empezar a visitar y esfrutar les tierres del Altu Tâmega y Trás-os-Montes. Y los flavienses espérente con espectación, pa recibite colos brazos abiertos y con conocencies ancestrales y sabores pa ufiertate que namás en Chaves vas atopar.
Ciudá del norte de Portugal con cerca de 19.300 habitantes, capital d’un conceyu con 44.186 habitantes que llenda’l norte con Ourense .
La localidá atópase asitiada xuntu al ríu Tâmega. En dómina romana yera conocida cola designación de Aquae Flaviae, de la que se caltienen importantes restos como la llamada «Ponte de Traxano» construyíu mientres los sieglos I ya II.
