Guimarães, Portugal
Ciudá portuguesa del distritu de Braga con cerca 52.000 habitantes nel núcleu urbanu y unos 161.876 nel conxuntu del conceyu del que ye la capital.
Guimarães, una ciudá d’orixe medieval, tien los sos raigaños nel sieglu X. Foi nesi momentu que la condesa Mumadona Dias, viuda de Hermenegildo Mendes, mandó construyir un monesteriu que se convirtió nun centru d’atracción y condució al asentamientu d’un grupu de población.
Coles mesmes, en defensa del asentamientu, Mumadona mandó construyir un castiellu a poca distancia de la llomba creando asina un segundu puntu de xunión. Conectando los dos núcleos formóse la Rua de Santa Maria. Más tarde el Monesteriu convirtióse en Colexáu y ganó gran importancia por cuenta de los privilexos y donaciones que-y otorgaron reis y nobles.
El pueblu espandióse y organizóse, arrodiándose depués por una muria que güei caracteriza a la ciudá.
El centru históricu de Guimarães foi declaráu Patrimoniu de la Humanidá pola Unesco en 2001. Foi Capital Europea de la Cultura en 2012.
Fontes: cm-guimaraes.pt y Wikipedia .