Tenões, Portugal
El «Miradouro do Bom Jesus do Monte» ta asitiáu a los pies del santuariu portugués del mesmu nome, n’una llomba cerca’l pueblu de Tenões , nel conceyu de Braga . La so carauterística más destacable son les sos escaleres monumentales barroques, que salven un desnivel de 116 metros.
El primer niciu de la esistencia una capilla sobro esta llomba data de 1373. El santuariu actual entamó a construyise en 1722, col patrociniu del arzobispáu de Braga. Tamién patrocinó’l siguiente cachu d’escaleres, que tien una forma zigzagueante y ta dedicáu a los cinco sentíos (vista, oyíu, olfatu, gustu y tactu). Cada sentíu ta representáu por una fonte distinta. Alredor de 1781 completóse’l conxuntu añediendo un tercer tramu d’escaleres que tamién sigue un patrón zigzagueante.
Nel sieglu XIX la zona alredor de la escalera espropióse pa convertila nun parque. En 1882, pa facilitar l’accesu, construyóse l’«Elevador do Bom Jesus», que xune la ciudá de Braga cola llomba. Foi’l primeru de la so clase que se construyó na Península Ibérica y entá sigue n’usu.
Fontes: cm-braga.pt y Wikipedia .